IN EXALTATIONE SANCTAE CRUCIS - Hymnus

Der Hymnus zum heutigen Fest entstammt dem

"Pange Lingua Gloriosi"

mit den Strophen 6 bis 11.

Lustra sex qui jam peregit,

Tempus implens corporis,

Sponte libera Redemptor

Passioni deditus,

Agnus in Crucis levatur

Immolandus stipite.

(17.06.2011) Köln, St. Severin, Crucifix 14. Jh.

Felle potus ecce languet:  

Spina, clavi, lancea

Mite corpus perforarunt:

Unda manat, et cruor:

Terra, pontus, astra, mundus,

Quo lavantur flumine!

Crux fidelis, inter omnes

Arbor una nobilis:

Silva talem nulla profert

Fronde, flore, germine:

Dulce ferrum, dulce lignum,

Dulce pondus sustinent.

Flecte ramos arbor alta,

Tensa laxa viscera,

Et rigor lentescat ille,

Quem dedit nativitas;

Et superni membra regis

Tende miti stipite.

Sola digna tu fuisti

Ferre mundi victimam;

Atque portum præparare

Arco mundo naufrago,

Quam sacer cruor perunxit,

Fusus Agni corpore.

Sempiterna sit beatæ

Trinitati gloria,

Æqua Patri, Filioque;

Par decus Paraclito:

Unius Trinique nomen

Laudet universitas.

Amen.